Студенттер арасында терроризм актісі жасалған немесе қауіп төнген жағдайда төтенше жағдайдың алдын алу бойынша іс-қимылдар алгоритмі түсіндірілді. Жиында күдікті заттар мен адамдарға назар аудару, оларды дер кезінде хабарлау, эвакуация кезінде тәртіп сақтап, ұйымдасқан түрде қимылдау жолдары айтылды. Сондай-ақ, төтенше жағдайда үрейге берілмеу, құқық қорғау органдары мен оқытушылардың нұсқауларын бұлжытпай орындау керектігі түсіндірілді. Іс-шара студенттердің қауіпсіздік мәдениетін қалыптастырып, төтенше жағдай кезінде дұрыс әрекет етуге үйретуге бағытталды.
